Wanting to get in a Poetic Mood? Or wanna create a Romantic atmosphere around u by some Poetry? Get the Best of them here.
suno ladki...
meri maano


abhi tum ishq mat karna
abhi tum gudiya se khelo tum
tumhaari umr hi kya hai
faqat athra baras ki ho
abhi masoom bachi ho
nahin maaloom abhi tumko
k jab ye ishq hota hai
to insaan kitna rota hai
sitaaray toot jatay hain
saharay chhoot jatay hain
abhi tum ne nahin dekha
k jab saathi bichhartay hain
to kitna dard hota hai
k har faqat k mosam main
hazaro gham ubhartay hain
hazaro zakhm khultay hain


suno ladki...
meri maano

parhaayi par tawajo do
kitaabon main gulaaon ko
kabhi bhool se mat rakhna
kitaabain jab bhi kholo gi
ye kaanton ki tarah dil main
chubhengay,khoon bahayengay
tumhe pehron satayengay
kisi ko khat nahin likhna
likhayi pakrri jaati hai
barri ruswayi hoti hoti hai
kisi ko phone mat karna
sadayain dil dukhati hain
wo awazain satati hain
meri nazmain nahin parhna
ye mehshar ko utha degi
tumhain pagal bana degi


suno ladki...
meri maano

apni taqdeer se tum
kabhi khul k nahi larna
abhi tum gudiya se khelo tum
abhi tum ishq mat karna...
ADVERTISEMENT