Is there a writer in u? Or are you in a mood to read some short interesting stories? Here's the Story Section for all tastes.
by Hemant
Ek Purani Lok Katha
------------------------

Written by : Some person who wanted people to Kill him after listening/reading this
Copied by : Itihaas ke Panne
Theme : Batane wale ko "AMARTA" ka wardaan .. :)

Story:
-------

Ek baar ki baat hai, 2 bahut hi balshaali yuvak hotey hain. pehla itna balshaali hota hai ki apni kamar se 2000 ghodey (horses) baandh kar kheech sakta hai aur doosra itna balshaali hota hai, ki apni kamar se 2000 haathi baandh kar kheech sakta hai. Ek din wo dono aapas mein competition karne ki sochtey hain, ye decide karne ke liye ki zyada strong kaun hai.

Par ismein ek problem hoti hai...ki judge kaun banega...to dono bandey apne apne 2000 ghodey aur 2000 haathi lekar judge dhoondney nikaltey hain...tabhi unko raastey mein ek bahut hi budhi aurat (old lady) dikhti hai, jo ki budhapey ki wajah se bilkul jhuk kar chalti thi. Dono bandey uskey paas jaatey hain aur ussey request kartey hain ki humare competition ki judge ban jao.

Par ab doosri problem hoti hai, ki competition karne ke liye bahut bada open space chahiye hota hai jo ki bahut hi door hota hai...aur wahan tak kaise jaayein ye samajh mein nahi aata hai.

Tab phir budhiya kehti hai,"Koi baat nahi tum dono mere ek ek kandhey (shoulder) par baith jao, main tumhey le jaoongi."

To pehla banda apney 2000 ghodey apni kamar mein kas kar lapetta hai, aur phir budhiya ke right shoulder par baith jata hai, aur doosra banda apne 2000 haathi ek bade se jholey (hope u know what that is) mein daalkar budhiya ke left shoulder par baith jata hai.

tabhi upar se ek baaz ud kar ja rahi hoti hai...aur usko us jholey mein se ek haathi ki soond (trunk) nikli hui dikhti hai, jisko dekhkar wo bahut hi zyada tempt ho jaata hai aur neechey aakar us poorey jholey ko apni choch mein dabaakar ud jaata hai...

...udtey huey, wo ek mahal ke upar se jaati hai. Mahal ki rajkumari, upar dekhkar apney baal sukha rahi hoti hai, tabhi ek haathi ka sar us jholey mein (jo baaz ke muh mein tha) se girkar rajkumari ki aankh mein gir jaata hai. Is kaaran rajkumari ko aankh mein kirkiri honey lagti hai aur wo roney lagti hai. Raja is baat se bahut pareshan ho jata hai aur duniya bhar se rajkumari ke liye vaidya (doctors) bulwata hai, par koi rajkumari ki beemari theek nahi kar pata. Tabhi rajkumari ki purani daayi aati hai, aur rajkumari ki aankh mein se wo haathi ka sar nikalkar le jaati hai.

Haathi ka sar us daayi se request karta hai ki mera baaki shareer dhoond kar le aao, to daayi chaunk jaati hai aur us bolney waale haathi ke sar ke bahut saarey exhibitions karwati hai, jissey ussey bahut paise miltey hain. Ek din wo ek gaon mein pahuchti hai jismein haathi ka baaki shareer hota hai jisey dekhkar wo haathi bahut hi khush ho jaata hai.

Is prakaar kahani samaapt hoti hai, ab bolo issey kya seekh milti hai?

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

Ki Bade Boodho ki Baat Maanni Chahiye ..

Tags: #LokKatha, #HindiStory, #ShortStory

by anshika
kya hai ye-----koi mujhe bataega----itna pakaoo item :x

by Guest
ye story Bengali writer Upendra kishore Roy Chowdhury dwara likkhi gayi thi. waha se churaya hua hai ye story.

so, no credit goes to the copier....................

by Th3ki
bahut hie interesting nikkli; has well developed characters, ground se lekar assmann ki setting, imagination; I was mesmerized :)