Wanting to get in a Poetic Mood? Or wanna create a Romantic atmosphere around u by some Poetry? Get the Best of them here.
Haqeeqat Hay,Yaqeen Kar Lo,Main Uss Ko Bhool Kar Khush Hoon
Muhabbat Mar Chuki Ab To,Main Uss Ko Bhool Kar Khush Hoon

Badalti Rutt Ki Wajah Se,Tabiat Kuch Bojhal Si Hay
Yun Mera Haal Mat Poocho, Main Uss Ko Bhool Kar khush Hoon

Mery Lehjay Par Mat Chonko,Meri Aankhon Mein Mat Jhanko
Yun Hairat Se Na Dekho,Main Uss Ko Bhool Kar Khush Hoon

Tumhein Kya Weham Hay Kiun Raat Bhar Milnay Nahi Aatin
Aey Meri Neend Ki Pariyoon,Main Uss Ko Bhool Kar Khush Hoon

Bhala Kiun Roz Banhein Waa Kiye Mujh Se Milnay Aati Hay
Tum Uss Ki Yaad Se Keh Do,Main Uss Ko Bhool Kar Khush Hoon

Udasi Saray Ghar Mein Pahilti Jati Hay Gham Ban Kar
Dar o Deewar Pe Likh Do,Main Uss Ko Bhool Kar Khush Hoon...!!!
ADVERTISEMENT