Wanting to get in a Poetic Mood? Or wanna create a Romantic atmosphere around u by some Poetry? Get the Best of them here.
ye karb kaa ehsaas musalsal mere Allah
kar degaa kisii din mujhe paagal mere Allah
bikhre hu'e TukRoN ko sametuuN bhii kahaaN tak
kis tarah karuuN Khud ko mukammal mere Allah
har zehn jihaalat ke andheroN kaa hai maskan
har haath meN hai ilm kii mash'al mere Allah
laashoN ke har ek shah'r meN baazaar saje haiN
har moR pe hai ek nayaa maqtal mere Allah
haalaat se huuN barsar-e-paikaar abhii tak
go jism meN baaqii nahiiN kis bal mere Allah
miiloN nahiiN aasaar ko'ii dasht-e-yaqiiN ke
har simt haiN tashkiik ke daldal mere Allah
sarmaaya-o-asbaab jise chaahe use de
"Rahi" ko bas ek sabr-o-tavakkul mere Allah
ADVERTISEMENT