Wanting to get in a Poetic Mood? Or wanna create a Romantic atmosphere around u by some Poetry? Get the Best of them here.
Mujhe dil mein lana jara soch kar,
ye jokim uthana jara soch kar....

Mere ghar mein gum hai, udasi bhi hai,
Mere ghar mein aana jara soch kar....

Mein lafzon mein lipta hua ek dard hu,
Mujhe gungunana jara soch kar....

Zamane ki baatein hai dilkash bahut,
Yakin inpe lana jara soch kar....

Teri aankhen sach bolti hai bahut,
Haqeeqat chupana jara soch kar....

Kahan pyar, sabko hai daulat aziz,
Tum dil ko lagana jara soch kar....

Faqt ret hi ret reh jayengi,
Toh usko bulana zara soch kar....

Mohabbat, sharafat, wafa, dosti,
Inhe ghar lana jara soch kar....

Usko aana hai aur benaqab aayengi,
'ATIQUE' nazrein uthana jara soch kar.......
ADVERTISEMENT