Wanting to get in a Poetic Mood? Or wanna create a Romantic atmosphere around u by some Poetry? Get the Best of them here.
deepak hoon,jal kar bhi apne tal tak na ja paya hoon
sard raat mein angaaron ki peer batane aaya hoon
bhoole wo apne,saath kalp ka kahte the nibhayenge
jab aayenge tej thapede, pahle wo bichh jayenge
kahin nahi par dikh paye jab chand grahan tha wah aaya
dekh liya vaadon ka humne kaisa hota sarmaayaa
kuchh sapne aise hote hain, taabir nahi jinki hoti
har guncha surbhi bhara nahi,har seepee na deti moti

param harsh se kabhi kabhi dekha hai ki baithe hain dil
dhool udaate bhatke phir bhi mil na pai hai manzil
shabd saath hi de paate hai, pyar na jal se hai bujhtee
ujiyare ke is jangal mein bhi dagar nahi koi sujhtee
paschatap magar ab kyon ho, beet gaya jo bisaraa doon
nav kislaya see abha lekar jag mein kanti bikharaa doon
sabz baag kee ichchha ab na saharaa mein phool khilaa loonga
mitron thoda sa dum bhar do, ro kar bhi main ga loonga
ADVERTISEMENT