Wanting to get in a Poetic Mood? Or wanna create a Romantic atmosphere around u by some Poetry? Get the Best of them here.
Ansoo'on ki dhund

Go zara si baat pe barson ke yaraney gaye
Lekin itna tou hua kucch log pehchaney gaye

Mein isey apni shohrat kahoon ya apni ruswayi kahoon
Mujhse pehle us gali mein mere afsaney gaye

Yoon tou woh meri rag-e-jan se bhi they qareeb tar
Ansoo'on ki dhund mein Lekin na pehchaney gaye

Vehshatein kucch iss tarhan apna muqaddar hogayein
Hum jahan puhanchey humarey sath veeraney gaye

Ab bhi usnki yadon ki khusboo zehen mein mehfooz hai
Baar-ha hum jinsey gulzaron ko mehkaney gaye
ADVERTISEMENT