Unable to completely enjoy the Jokes in English? Fropky pesh karte hain, chutkule, ab aapki manpasand bhasha mein.
Ek Baar Ek Aurat Haath Mein Hathoda Liya Apne Bete Ke School Mein Pahunchi Aur Chaprasi Se Puchne Lagi: Gupta Madam Ki Class Kaun Si Hai?

Haath Mein Hathoda Dekhkar Chaprasi Ne Darte Hua Pucha: Kya Hua Behanji, Kyun Puch Rahi Hain Aap, Kya Kaam Hai?

Hathoda Hilaate Hui Vo Aurat Hui Boli: Arey Vo Mere Bete Ki Class Teacher Hai.

Chaprasi Ne Daudkar Gupta Madam Ke Paas Gaya Aur Batay Ki Ek Aurat Haath Mein Hathoda Liye Gusse Mein Unhe Dhoondh Rahi Hai.

Ye Sunkar Gupta Madam Ke Hosh Ud Gaye. Vo Phataphat Principal Ke Paas Gayi Aur Aurat Waali Baat Bataai.

Principal Daudta Hua Us Aurat Ke Paas Gaya Darte Hue, Bade Hi Respect Se Bola: Krpya Kar Ke Aap Shaant Ho Jaaiye.

Aurat: Mein Shaant Hi Hoon. Aap Bas Mujhe Ye Batao Ki Gupta Madam Ki Class Kahan Hai?

Principal Bola: Aap Mujhe Bataiye Ki Baat Kya Hai?

Aurat: Baat Kuch Bhi Nahin Hai. Mujhe Bas Gupta Madam Ki Class Mein Jaana Hai.

Principal: Lekin Kyun? Hua Kya Hai?

Aurat: Kyunki Mujhe Wahan Us Bench Ki Keel Thokna Hai Jis Par Mera Beta Baithta Hai. Kal Vo School Se Teesri Pant Phaadkar Aaya Hai.
ADVERTISEMENT